كل أخبار ووصفات الجمال المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
السبت 3 ديسمبر 2016

حديث ومغزل مع سناء الزعيم

حديث ومغزل مع سناء الزعيم - شهيوات المستمعات

Imprimer
شهيوات المستمعات

اليوم في حديث ومغزل مع سناء الزعيم قدمو لينا المستمعات مجموعة من الشهيوات المختلفة و هذه البعض منها :

* فاتي من دمنات : المسمن // 2 زلايف دقيق ، معلقة من الزبدة ، ملح  ويعجن الكل بلا خميرة مزيان ثم تورقي العجين و تدردري القمح و في الزبدة تزيدي الزيت و تبداي تطيبيه بالصحة و الراحة.

- مسمن معمر بالتفاح : 1 كأس من الحليب دافئ ، ملح ، معلقة من خميرة الدار ، خنيشة فانيلا ، معلقة من ماء الزهر ، 1 خميرة حمراء ، 1 بيضة و بيضة أخرى للتزيين ، تعجن العجين كالخبز مع دلكها جيدا ثم تكرصي كريصات صغار .

ناخذو تفاحة منقية و تقسم من الوسط على جوج بالعرض و تزيلي العظام و تقسميها شرائح دائرية ، ثم تطوي العجين على شكل مسمنة و تاخذي شريحة من شرائح التفاح و توضعيها فوقها مع الزبدة و سنيدة على شكل نجمة و تدهني اللاطة و تدهني الوجه بالبيض و تدخليهم للفرن كتجي معسلة .

* فاطنة من سيدي بنور : حلوى البشنيخة // رابعة الزبدة ، نصف لتر حليب ، بيضة ، نعلقة من القرفة و الطحين حسب الخليط ، تاخذي الحليب و تذوبي فيه الزبدة و تخلطي الكل و تكون العجين مثل الشباكية ، ثم تدلكيها في الة الشباكية ( السباكيتي) ثم تسرحيها و تجمعيها على شكل وردة ثم تقلى في الزيت و تغطسيها في العسل .

- مربى البرتقال : 2 كيلو برتقال منقي و كيلو سكر و 1 حامضة  مجمدة و ماء الزهر ، تحكي الحامضة مع البرتقالو تخلطي مزيان ثم تخليه يبات ليلة كاملة ثم تطبخيه في الغد و تطحنيه في طحانة اليد حتى يعقد فوق نار مهيلة و تسكبيه في أواني زجاجية معقمة .

* نورا من بني ملال : حرشة باللبن // زلافة السميدة رقيقة و أخرى غليظة ، نصف لتر لبن ، 2 خمارات حمرين ، 1 فاني ، 1 كأس زيت و 1 كأس سنيدة ، يخلط الكل و نضعه في مول الفرن و ندخلوها تطيب و نقدموها بالصحة و الراحة .

- الورقة ديال الدار : 200 غرام دقيق ، ملح ، 3 الكيسان من ماء بارد يخلط الكل في خلاط كهربائي و نخليوها ترتاح 5 دقائق ثم تطيبيها في مقلاة لا تلصق قي حمام مريم و تختاري شيتة تكون الشعيرات ديالها رطبة ثم تبداي تدهني المقلاة من الأطراف الى الوسط و تحيديها و تدهني يديكي بالزيت و تدهني الورقة بالزيت و تحطي ورقة فوق أخرى .

* فتيحة من الرباط : بغرير ساهل و طايب فوق الزليج الأحمر // كيلو سميدة رقيقة ، 1 خمارة الحلوى و الماء الدافئ و تخلطي الكل و تزيدي شوية خميرة الخبز و تطحني في الطحان الكهربائي ثم نخليوه يرتاح 5 دقائق ثم تطيبيه فوق الزليج الأحمر بعدما تمسحيه بأصفر البيض.

* رشيدة من البيضاء : كيكة الشكلاط // 4 البيضات ، 1 كأس سنيدة ، 1 كأس زيت ، 1 ياغورت فانيلا ، 1 فانيلا ، قشرة حامضة محكوكة ، 5 معالق من غبرة الكاكاو ، 10 معالق من الطحين ، 3 الخمارات ، شوية الملح ، تخلطي تدريجيا الكل و تديريها في كوكوط مدهونة بالزبدة و تخليها تطيب فوق عافية مهيلة .

* نوال من تارودانت : سلو ساهل // 1 كيلو لوز مطحون بقشوره ، 1 كيلو زنجلان ، 1 كيلو كاوكا محمر و بلا قشرة و مطحون و جبانية مخلط فيه النافع و حبة حلاوة و 1 لتر زيت و نصف كيلو زبدة مذوبة فيه ، تاخذي 2 كيلو فرص و تحمريها و تخلطي الكل مع اضافة سنيدة و السكر كلاصي حسب الذوق و شوية القرفة و المسكة الحرة و تخلطي حسب القياس ديالك و يكون خفيف أو مجموع .

* رشيدة من مراكش : شوصون مالحين //العجين : نصف كيلو دقيق ، 2 معالق كبار زبدة ، ملح و سكر ، تعجني بالماء الدافئ و الخميرة حتى تبقى العجين رطبة و تدلكي مزيان و تخليها ترتاح .

الحشوة : كبدة الديك الرومي و هبرة الديك الرومي ، تشحريهم مع الزيت و الابزار و الكامون و سكينجبير وورقة سيدنا موسى و 2بصلات كبار مشلظين و شوية الربيع و الشعرية الصينية و زيت العود ثم تغطي المقلاة.

تبداي تطلقي العجين و ترشميها على شكل دائري و تعمري و تطوي على شكل هلال و تدردري الشانوج أو الزنجلان على الوجه و تدخليهم للفرن .

حديث ومغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا .        

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: