كل أخبار ووصفات الجمال المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الأحد 4 ديسمبر 2016

حديث ومغزل مع سناء الزعيم

حديث ومغزل مع سناء الزعيم - الدجاج بالنوكا من عند الشاف أمينة من الدار البيضاء

Imprimer
الدجاج بالنوكا من عند الشاف أمينة من الدار البيضاء

بصلة كبيرة محكوكة ، شوية من الثومة ، ضامة البنة من الزعفران ، الملح ، الابزار ، الخرقوم البلدي ، السمن ، سكينجبير ، مع ك من عطرية المروزية .

نخلطو الكل و نرقدوهم ليلة كاملة .

* الحشوة : 125 غ المشماش ، 125 غ شريحة ، 100 غ أناناس ، 3 حبات قرنفل ، القليل من القرفة ، الزهر ، سنيدة ، نصف كلغ من اللوز عقدة ، مع ك من الزبدة.

نقطعو المشماش و الشريحة بعدما نفوروها و الكل ونوضعوهم فوق نار مهيلة حتى يتعسل الخليط و نحيدو القرنفل .

نجمعو كل مكونات الحشوة مع اللوز عقدة و نعملو كويرات و نعمرو بهم الكوكلي .

في طنجرة نشلظو 1 كلغ من البصل ، الزعفران ، الخرقوم ، سكينجبير ، الملح ، الابزار و القليل من القرفة ومع ك من الزبدة و نحطو الدجاج على الصدر ديالو يتقلى لينا مزيان ثم تضيفي الزيت و نبقاو نتقبو الدجاج حتى يطيب و نسلوه و نخليو البصل يتعسل .

ندهنو الدجاج 2 مع ك من العسل و ربع مع ص من القرفة و مع ص من سكينجبير و 2 مع ك من الزبدة و ندخلوه للفرن يتحمر وهو كيطلق الماء ديالو نسقيوه به.

للتقديم نحضرو النوكا :  30 غ من العسل ، 30 غ من الكليكوز ، 50 غ من الزبدة ، 80 غ من سنيدة ، 70 غ من القشدة الطرية ، 150 غ من اللوز ايفيلي ، يخلط الكل في كاسرونة الا اللوز و نحيدوها من فوق النار مهيلة ثم نضيفو اللوز في الأخير .

ناخذو المولات و نبسط النوكا في زلايف و ندخلوهم للفرن ثم نعمروهم بالدغميرة و نقدموهم مع الدجاج بالصحة و الراحة .

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: