كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
السبت 17 نوفمبر 2018

حديث ومغزل مع سناء الزعيم

حديث ومغزل مع سناء الزعيم - حوت الضيافة راقي من عند الّعاشقة لفن الطبخ و الحلويات ابتسام من مدينة السمارة

Imprimer
حوت الضيافة راقي من عند الّعاشقة لفن الطبخ و الحلويات ابتسام من مدينة السمارة

* المكونات : 
حوتة من وزن 3 كلغ : القرب أو الباجو أو أي سمك أبيض مفتوحة من الظهر .
الحشوة : 
1 كلغ و نصف ميرلا ، 1 كلغ قمرون ، 250 غ سبانخ ، 2 معالق كبار زيت الزيتون ، 2 معالق كبار عصير الحامض ، نصف ملعقة صغيرة ملح ، ضامة السمك أو معلقة من عطرية السمك البيضاء ، معلقة كبيرة سيبوليت مقطعة رقيق ، 2 ضروس ثوم محكوكين، 2 معالق كبار زبدة، ربع معلقة صغيرة صوص الصوجا ، 100غ فرماج أحمر محكوك.
* الطريقة : 
نأخذ 2 دوائر الحامض نضعها فوق رأس السمكة و ربطة المعدنوس نضعها في الرأس.
في بول نضع عصير الحامض ، الثومة محكوكة ، نصف معلقة صغيرة ملح ، نصف معلقة صغيرة من صلصة الصوجا ، تخلط المكونات و نشرمل بها السمكة و نتركها على جنب.
* الحشوة : 
نأخذ الميرلا و القمرون و تطحن جيدا حتى الحصول على عجين رطب ، نضيف الفرماج الأحمر محكوك و السيبوليت رقيقة و الملح و ضامة البنة محكوكة أو عطرية السمك ، الثومة محكوكة و عصير الحامض ، نخلط الكل و نعزل منها حوالي زلافة ، الباقي نضعه في بوش .
نسرح الحوتة على شكل فراشة و نضيف الحشوة في الداخل مكان العظيمات ديال الشوك .
السبانخ تشحر مع زيت الزيتون مزيان و نضيف لها الحشوة اللي خلينا ليها و نضيفها على شكل فقرات في وسط السمكة ، نغطي رأس الحوتة بورق الأليمنيوم ثم نغطي الحوتة بكاملها بورق الزبدة و الأليمنيوم ، فاش تطيب نزيل لها ورق الزبدة و الأليمنيوم و نتركها تتحمر.
* المرفقات : 
* ميني تارطوليت بالخضر : 
250 غ عجين مورق ، يورق جيدا و نلبسه لمولات صغار و ثقبناه و تدخل للثلاجة تقبط في راسها .
الحشوة : 
250 غ كرعة خضراء مقطعة جوليان تشحر في الملح ، الابزار و الزيت البلدية .
250غ جزر مقطع جوليان يشحر بنفس الطريقة .
البورو نفس الطريقة .
نخلط كل الخضر و نضيف لهم 100 غ من بذور الصوجا ثم القليل من الابزار و الصوجا حسب الذوق و الزبدة و 2معالق كبار زيت الزيتون و كأس و نصف عنبة من القشدة الطرية الخاصة بالطبخ .
نخلط الكل و نعمروا الطارطوليت بها و ندخلهم للفرن يطيبوا وفاش يكملوا الطياب نضيف لهم الفرماج الأحمر.
* كروكيت بالسمك : 
200غ عجين السمك ، أصفر بيضة ، ضرس ثوم محكوكة ، 100غ فرماج أحمر مقطع مكعبات ، 100 غ دقيق ، 100 غ شابلور ، 2 بيضات و زيت للقلي.
نأخذ عجين السمك و تخلط مع أصفر بيضة و معلقة كبيرة من الشابلور و ضرس الثوم محكوكة و نخلط الكل ، نشكل كويرات و تكرص بالكف ، نضع في الوسط مكعب الفرماج و نشد الكرة جيدا .
ندوزوهم في الدقيق ثم البيض ثم الشابلور و نضعهم في المجمد حوالي ربع ساعة و تقليى في حمام زيت.
* الكلمار معمر :
نأخذ الكلمار حسب الكمية و نقطع له الريوس ، يشحر في الملح و الابزار و الثوم و الزيت البلدية و الزبدة ، فاش يطيب نضيف لهم الجزر محكوك جوليان ، يشحر الكل و نضيف لهم 2 ريوس فطر مقطع طري و 2 معالق كبار كريمة الطهي ، نخلط الكل و نزيلهم من فوق النار.
رابعة الروز نوع جيد مصلوق نصف سلقة ، ونضيفه لخليط الكلمار و 2 معالق كبار معدنوس و القليل من الملح و نخلط الكل ، ثم الابزار و الزعفران الحر ، نخلط الكل و نعمروا بهم الكلمار ديالنا اللي بقاو قابطين ، نقبطهم بالكوردون و نضعهم في كوكوط فيها 2 بصلات مشلظين رقاق و القليل من الابزار و الزعفران الحر و القليل من الزيت البلدية و نشدو الكوكوط و نتركهم يطيبوا .
فاش يبردو تقطع على شكل بينيي و نزين بها الطبق .
يقدم السمك مرافق بالمرافقات اللي حضرنا .
بالصحة و الراحة.

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: