كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الأحد 4 ديسمبر 2016

حديث و مغزل

حديث و مغزل - شهيوات الياغورت محضرة بالمنزل

Imprimer
شهيوات الياغورت  محضرة بالمنزل
اليوم في حديث و مغزل مع سناء الزعيم متعونا المستمعات بشهيوات مختلفة لتحضير الياغورت بالمنزل و هادي بعض الوصفات: 

نعيمة من سطات : ياغورت بالكركاع // 2 كؤوس ديال العنبة ديال الحليب غبرة + 1 كأس سنيدة ، 1 فانيلا ، 1 ياغورت فانيلا ، 1 لتر ماء بارد ، 1 لتر ماء غليان ثم كنضيفو الكركاع طريفات و نخلطو الكل مزيان في الخلاط و نخليوه مدة 8 الساعات في نفس الإناء الكبير و نغطيوه بفوطة تكون سخونة حتى يبرد و نصبوه في أواني زجاجية صغيرة و نوضعوه في الثلاجة.

حورية من اسفي : ياغورت بنكهة البنان // 1 ياغورت  بنان + 2 بنانات مقطعين دائريا + خنيشة ديال الحليب غبرة + 1 فانيلا + 2 كؤوس ماء عادي + 1 كأس سنيدة ، نخلطو الكل في الخلاط ثن نديروه في كؤوس زجاجية و نغطيوهم بزيف حياتي و نضعه في الثلاجة  لمدة ساعة و نقدموه بالصحة و الراحة.

أم أميمة  من تاونات :  ياغورت بنكهة  أو السيرو حسب الاختيار // 1 لتر حليب + 1كأس ياغورت  بايت خارج الثلاجة + سنيدة  حسب الذوق +  1خمارة ديال الحلوى ، نغليو الحليب و منين يبرد نخلطوه مع الياغورت و الكل ثم نضيفو النكهة حسب الاختيار و نكبوه في كؤوس و نوضعوهم في بانيو يكون فيه ماء مغلي  و نغطيوهم ببطانية ثم نخليوهم مدة 8 ساعات على الأقل قبل التقديم.

ليلى من تملالت : 1 لتر حليب بارد نطحنوه  مع ياغورت بالنكهة المختارة  + معلقة كبيرة من حليب الغبرة + نصف لتر حليب مغلي و محلي ، نخلطو الكل و نكبوه في أواني زجاجية  و نوضعوها  في وسط طنجرة  مليئة  بالماء المغلي و نغطيوها بفوطة غليظة  أو بطانية  و نخليوها تروب لمدة ساعة.

هاجر من مدينة مكناس : ياغورت  بكمية كبيرة و بطريقة سهلة .2 زلافات حليب غبرة + 1 زلافة سنيدة + ياغورت بنكهة الفريز + معلقة صغيرة من نكهة الفريز + 1 خمارة الحلوى + 2 لتر من الماء البارد + 2 لتر من الماء غليان ، نخلطو الحليب و سنيدة العناصر الأخرى  ثم في طنجرة نغليو الماء الاخر و نضيفو ليه السنيدة و نخلطو الكل في اناء كيتسع ل 4 لتر و نغطيو ه و نخليوه مدة ساعة قبل التقديم .

 نور الهدى من تارودانت : 2 لتر من الحليب ، 2 فانيلا ، 10 معالق كبار من سنيدة ، 1 خنيشة حليب الغبرة  و 1 ياغورت فانيلا ، نغليو 1 لتر من  الحليب مع الفانيلا و السنيدة ، ومن جهة أخرى نغليو 1 لتر من الحليب مع الحليب غبرة و الياغورت ، نخلطو مزيان و نكبو الكل في كؤوس و نغطيو بفوطة أو بطانية  و نخليوه في مكان دافئ لساعات حتى يوجد و نقدموه بالصحة و الراحة.

حديث و مغزل مع سناء الزعيم برنامج كل امرأة مغربية من الاثنين للخميس ومن 9 لل 10 ديال الصباح مباشرة على أصوات. 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: