كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الأحد 23 نوفمبر 2014

حديث ومغزل مع سناء الزعيم

حديث ومغزل مع سناء الزعيم - شهيوات حلويات عيد الميلاد في حديث ومغزل مع سناء الزعيم

Imprimer
شهيوات حلويات عيد الميلاد في حديث ومغزل مع سناء الزعيم

اليوم في حديث ومغزل مع سناء الزعيم كانت هاد الحصة الصباحية مخصصة لشهيوات حلويات أعياد الميلاد و المناسبات و قدمو لينا المستمعات مجموعة من الشهيوات و الطرق لتحضير حلوى عيد الميلاد و هذه بعض الوصفات :

* زهرة من اسفي : كيكة مستطيلة // 4 البيضات ، 4 الكيسان ديال الطحين الممتاز ديال الحلوى ، 2 كيسان من الزيت ، 2 كيسان حليب ، 3الخمارات ، 3كيسان سنيدة ، 5 دراهم شكلاط أسود مربعات ، شوية من الشكلاط الأبيض ، 1ياغورت بالشكلاط و حبات الكركاع .

نخلطو المقادير ماعدا الكركاع و الشكلاط في الخلاط الكهربائي ثم نكبو في طبسيل ديال الفرن مستطيل ، في فرن فيه عافية مهيلة كتطيب الحلوى بالمهل ثم نديرو  الشكلاط في حمام مريم مع 2 معالق من الحليب و الياغورت ديال الشكلاط و الكركاع و نصبو هاد الخليط على الكيكة و ندهنو الوجه مزيان و نديروها في الثلاجة تبرد .

نذوبو الشكلاط الأبيض و نديروه في شوكة ديال الحلوى و نكتبو الاسم ديال صاحب عيد الميلاد و نردوها تبرد مجددا و نقدموها بالصحة و الراحة.

* هند من الدار البيضاء : 4 البيضات ، كأس سنيدة ، كأس زيت و نطربو مزيان هاد العناصر ، ناخذو نصف رابعة ديال الدقيق و نضيفو ليها 3 الخمارات ديال الحلوى و نخلطوهم مزيان مع كأس قهوة مطبوخة و الشكلاط غبرة و نضيفوهم بشوية بشوي على العجينة مع التخلاط .

نطربو القشدة الطرية ، و منين تطيب لينا الحلوى نقطعوها على 2 ثم نسقيوها بسيرو الحامض ثم ندهنو بالقشدة الطرية و نخليوها تبرد شوية و نقدموها بالصحة و الراحة .

* أمينة من خنيفرة : 125 غرام سنيدة ، 125 غرام فرص ، نصف باكية من الخميرة ، حامضة محكوكة ، 5 البيضات ، شوية الملح ، معلقة كبيرة من الماء طايب ، نطربو كل هاد العناصر مزيان ماعدا الفرص و الخميرة و نزيدوهم من بعد بالمعلقة بشوية بشوية مع التخلاط و نديروها في مول و ندخلوها للفرن .

نحضرو سيرو ديال الحامض : كأس من الماء ، كأس سنيدة و عصير حامضة، وهذا هو باش نسقيو الحلوى .

نطلعو القشدة الطرية مع السكر كلاصي و ندهنو بها وسط الحلوى منين نخرجوها من الفرن و تكون بردات ثم نجمعو الطرفين و ندهنو الوجه هذه المرة بالقشدة الطرية و نلصقو فيها شرائح اللوز ثم نزينو بالقشدة الطرية على شكل أزهار على الوجه و نضيفو شوية من الشكلاط الأسود و نزينو به على شكل أوراق الأزهار ( بالملعقة) ثم نديروه في شوكة و نكتبو به الاسم و التهاني و بالصحة و الراحة.

   حديث ومغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا .

 

اقرأ أيضا

تعليقات

  • Avatar hiba benfaddoul Repondre

    momtaz

    30/11/2013 21:51:53
خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: