كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الإثنين 5 ديسمبر 2016

حديث و مغزل مع سناء الزعيم

حديث و مغزل مع سناء الزعيم - وصفات القراشل و الكرص

Imprimer
وصفات القراشل و الكرص

اليوم في حديث و مغزل مع سناء الزعيم قدمو لينا المستمعات اللي متعونا بمجموعة من الوصفات لتحضير القراشل و الكرص بطرق مختلفة و سهلة و ماكتكلفش و هذه البعض منها :

* نعيمة من الدار البيضاء : قراشل // 1 كيلو فرص ، 1 كأس زيت ، 2 بيضات ، 1 خمارة ، رابعة من الزبدة ، رابعة سنيدة و حك ديال الحليب المحلى .

نخلطو الزبدة و سنيدة ثم نضيفو البيض ثم الزيت ثم الفرص و الخمارة و نجمعو الكل بالحليب ثم نعملو بهم كويرات و نوضعوهم في لاطة و نطيبوهم في الفران ديال الحومة و نقدموهم بالصحة و الراحة.

* هند من مراكش : قراشل // 2 كيلو فرص ، رابعة من سكر كلاصي ، رابعة زيت ، شوية من النافع و الزنجلان ، 2خمارات حمرين ، نصف رابعة زبدة مذوبة  و نعجنو بالماء ونعملو منهم كويرات و نخليوهم يخمرو ثم ندخلوهم للفرن .

* سارة من أفوغاغ : كريصات بالزيتون // نصف كيلو من دقيق القمح ، رابعة من الفرص ، معلقة ملح ، نصف معلقة زعتر ، نصف كأس زيت الزيتون ، 60 غرام  زيتون أسود مقطع ، 2 معالق كبار ديال الخميرة ، معلقة كبيرة سنيدة و ماء دافئ ، نجمعو الخليط و نشكلو كويرات ثم نطيبوهم في الفرن و نقدموهم بالصحة و الراحة.

*لبنى من الرشيدية : كريصات // 2 بيضات ، 2كيسان سنيدة ، 1كأس زيت ، 3الكؤوس من الحليب ، 1خمارة حمراء ، 2معالق كبار من خميرة العجينة ، 1بطاطا حلوة مسلوقة و مطحونة بالشوكة ، البسباس كارم و الزنجلان ، نخلطو كل هاد المقادير و نعجنوهم مزيان و نقطعو على شكل كريصات و ندخلوهم للفرن .

* فاطمو من خنيفرة : قراشل //  كأس و نصف من الحليب ،  كأس ونصف سنيدة ، كأس و نصف زيت ، حبة حلاوة والنافع  ، قشرة ليمونة أو حامضة ،  الخمارات ، الفرص حسب الخليط حتى يتجمع ثم نفندو الكويرات في السميدة الغليظة و نوضعوهم في لاطة مدهونة و ندخلوهم يطيبو و منقدموهم بالصحة و الراحة

*خديجة من المحاميد :قراشل //  كيلو دقيق ، كأس زيت وسنيدة ، 1خمارة ، حفنة نافع و زنجلان ، 2 معالق كبار خميرة بلدية و الماء دافئ ، كتجمع العجين في كوكوط و ندلكوها مزيان حتى يجيو مفشفشين ثم نشدو عليهم الكوكوط بدون نار ثم نصنع كويرات نضعهم في لاطة وندهنو الوجه بالبيض وندخلوهم للفرن حتى يتحمرو

*فاطمة من تطوان : كريصات بالبطاطس // نصف كيلو بطاطا مسلوقة و محكوكة ، نصف كيلو دقيق ، 2بيضات ، معلقة كبيرة من الخميرة البلدية ، 1خمارة حمراء ، 1كأس زيت ، كأس سنيدة ، 2معالق زبدة مذوبة وقرصة الملح .

نضيفو الكل على البطاطس و في الأخيرة الدقيق ثم نجمعو الكل و نحريلو العجين على شكل حنيشات طوال وندوروها على شكل محنشة ، وقبل ماندخلوها للفرن ندهنو الوجه بأصفر البيض .

كل الشكر لمستمعاتنا لوفائهم لبرنامج حديث ومغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا.

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: