كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الخميس 8 ديسمبر 2016

حديث و مغزل مع سناء الزعيم

حديث و مغزل مع سناء الزعيم - شهيوات الكفتة بأنواعها

Imprimer
شهيوات الكفتة بأنواعها

اليوم في حديث ومغزل مع سناء الزعيم قدمو لينا المستمعات اللي تواصلو معانا و سمعونا صوتهم لأول مرة مجموعة من الشهيوات ديال الكفتة بأنواعها وطرق تحضيرها و هذه بعض الشهيوات :

* خديجة من بين الويدان: كفتة ديال البكري // ضرس ديال الثومة ، صلصة الطماطم ، كمون ، سكينجبير ، ملح وبصلة مشلظة ، نجمعو كل هاد المكونات مع الكفتة بعدما نطحنوها ثم نكورو الكفتة و نشويوها أو نطيبوها طاجين.

* خديجة من زاكورة : كفتة ديال الديك الرومي // بصلة مشلظة ، زيت مخلط ، ملح ، كمون ، ابزار ، أعواد الخرقوم ، تحميرة و الثومة و القزبر و المعدنوس و ممكن نضيفو للكفتة شوية القزبر مطحون ، ثم نكورو الكفتة كويرات صغار و ممكن نطيبوها في طاجين أو بأي شكل نبغيو.

* سعاد من الجديدة : طاجين الكفتة و الروز و الفلفلة// نفرشو في الطاجين بصلة مقطعة دوائر ، رابعة الكفتة مع شوية من الروز مسلوق،  ضرس الثومة و سكينجبير و الخرقوم و التحميرة ، ابزار ، زيت العود ، ثم نقطعو الفلفة ونكورو الكفتة و نعمرو بها دوائر البصل و نخليو الطاجين يطيب بالمهل .

* فدوى من الناظور : كفتة الغنمي مع الروز // كفتة مطحونة ثم نضيفو ليها ، الخرقوم ، سكينجبير ، ابزار ، ملح ، ثوم ، قزبر مقطع ، بصلة ، زيت مخلطة ، نخليو الكفتة حتى تشرب البنة ثم نكوروها و نخليوها  ، نطربو بيضة و نغطسو فيها كواري الكفتة ثم ندوزوها في الشابلور أو الخبز محمص ثم نقليوها في الزيت .

نسلقو الروز في الماء مع شوية السكر ثم في زلافة أو طبسيل نقدمو الروز مع كويرات الكفتة ونزينو بشرائح مطيشة و الخص و نقدمو الطبق بالصحة و الراحة. 

حديث و مغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا مباشرة على أصوات.

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: