كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الأحد 4 ديسمبر 2016

حديث ومغزل مع سناء الزعيم

حديث ومغزل مع سناء الزعيم - شهيوات الكراتان

Imprimer
شهيوات الكراتان

اليوم في حديث ومغزل مع سناء الزعيم قدمو لينا مستمعاتنا مشكورات مجموعة من الشهيوات ديال الكراتان بأفكار مختلفة وهذه بعض الوصفات :

* نعيمة من تاوجطات : كراتان بالشيفلور // راس الشيفلور مسلوق في الملح و الحامض ثم نمعكوه مزيان ، 4 الحبات ديال البطاطس مسلوقين و نمعكوهم حتى هما ، ثم نحضرو البيشاميل بزيت العود ، نطربو 3 البيضات و نخلطوهم بالخضر ثم نوضعوهم في مول كيدخل للفرن و نضيفو البيشاميل و نرشو بالفرماج الأحمر .

* أمينة من تطوان : كراتان بالخضر // زلافة الجلبانة ، اللوبيا الخضراء ، خيزو ، البطاطس ، نسلقو كل هاد الخضر بعدما نقطعوها طريفات صغار ، نشحرو 2 بصلات ، وفي مول كيدخل للفرن نديرو فرشة ديال الخضر ثم نطربو البيض و نضيفوه ليهم و الفرماج من فوق وندخلوهم للفرن بالصحة و الراحة.

* سميرة من سلا الجديدة : كراتان بالدنجال // كيلو بطاطا مقطعة طريفات صغار  ومسلوقة ، ربيع ، ثوم ، ملح ، ابزار ، تحميرة ، 1كأس أو 2 من الماء ، بدنجال مقطع دوائر نوضعوهم في الطحين ثم نقليوه و نوضعوه في الورق النشاف .

نفرشو البدنجال في المول ثم نوضعو طبقة من البطاطا ثم طبقة من البيشاميل نبقاو نعاودو العملية حتى ننتاهيو بالبيشاميل و نرشو الفرماج محكوك و ندخلوه للفرن .

* خديجة من سيدي رحال : كراتان بالروز و الدنجال // الروز مسلوق ، البدنجال مقطع شرائح كبار و ندخلوه للفرن ، نشحرو بصلة مع شوية العطرية و طريفات الدجاج أو الكبدة حسب اللي موجود ثم نحكو مطيشة و مطيشة الحك و نشحرو الكل مزيان ثم نبداو نعمرو طريفا الدنجال بالحشوة اللي حضرنا و نلويوهم و نوضعوهم في المول و نرشو بالفرماج و ندخلوه للفرن يتحمر.

* اكرام من البيضاء : كراتانالبطاطا // بطاطا مسلوقة نصف سلقة و مطعة شرائح كبيرة ، ثم نحضرو لاصوص ديال مطيشة وشوية الكفتة ، ندهنو المول و نستفو فيه البطاطس ثم نضيفو لاصوص ديال مطيشة اللي غادي نحضروها عادي ثم نفرتتو الكفتة من الفوق نطربو 2 بيضات و نضيفوهم ثم نرشو بالفرماج محكوك و ندخلوه للفرن يتحمر لينا .

حديث ومغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا .

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: