كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الإثنين 5 ديسمبر 2016

حديث ومغزل مع سناء الزعيم

حديث ومغزل مع سناء الزعيم - شهيوات حلويات العيد

Imprimer
شهيوات حلويات العيد

اليوم في حديث ومغزل مع سناء الزعيم قدمو لينا المستمعات مجموعة من الوصفات لحلويات العيد بطرق سهلة و ماكتطلبش الكثير من الوقت و هذه البعض من هذه الشهيوات:

* أم فرقان من مراكش : غريبة بالحمراء أي النخالة الرقيقة // رابعة الكوك مطحون ، رابعة الكاكاو محمر و مطحون ، 6 البيضات ، 2خمارات ، 2 الكيسان من الزيت ، 2 كيسان سنيدة ، 2 زلافات من الحمراء أو النخالة الرقيقة ، كنخلطو الكل مزيان ونقسموهم على شكل كويرات ثم نفندوهم في السكر كلاصي و ندخلوهم للفرن .

* لبنى من طنجة : صابلي بالمرشم ديال البطاطا// رابعة زبدة ، كأس سكر ، كأس زيت ، 2 خمارات ، رابعة الكوكو مطحون و الدقيق حسب الاختيار ، كنجمعو الكل و كندلكو مزيان ثم نكوروها و نبركو بالطابع ديال البطاطا ثم نطيبوها في الفرن .

* رشيدة من تطوان : حلوى الكاكاو و الشكلاط // كيلو كاوكاو محمر في الفرن ومهرمش و نخلطوه مع العسل مزيان ثم نفرشوه في طبسيل الفرن ، نذوبو الشكلاط الأسود ونضيفو نصف كأس الى كأس من الماء الدافئ مع التخلاط الجيد ثم نصبوه من فوق الكاوكاو ونخليوه حتى يبرد ثم نقطعوهم على الشكل اللي ترغب فيه كل سيدة.

*خديجة من سيدي بنور : غريبة بالكوك // رابعة الكاوكاو محمر و مطحون ، رابعة الكوك ، زلافة اللوز مسلوق و مطحون ، معلقة كبيرة من سنيدة ، 4 البيضات ، 4 الخمارات ، يعجن الخليط و يجمع بالبيض بدون اضافة الخميرة ثم نكوروه كويرات صغار مع ترك المسافة بين كل واحدة ، نجمعو سكر كلاصي مع الخميرة و نفندو الكورات في ماء الزهر ثم في السكر كلاصي و نطيبوهم.

* نادية كلميم : الغريبة البهلة // رابعة الزبدة ، 2كيسان من الزيت وسنيدة ، 2 خمارات ، كيلو طحين ، نعركو مزيان و نخليو العجين في الثلاجة .

نضيفو للعجين منين نخرجوها من الثلاجة 2 خمارات حمرين و كأس من الزنجلان ، 1 كأس من الكاوكاو محمر و مهرمش ثم نكور العجين و ندخلوها للفرن و نبداو نطيبوها من الوجه الأعلى ثم نطيبوها من التحت .

* نورا من الصخيرات : غريبة ديال الكركاع // 4 البيضات ، زلافة من الكركاع يسخن شوية في الفرن قبل طحنه ، زلافة الزنجلان نكونو سخناه في الفرن بعدما نكونو طافيينو ، 2خمارات حمرين ، رابعة من الزبدة و زلافة السنيدة ، و الطحين حسب الخليط  نجمعو الخليط و نطلقو العجين بيدينا و نجمعو كويرات اللي غادي نفندوهم في الشكلاط ثم نفندوهم في الكوك و نطيبوها في الفرن.

* أنس من البيضاء : غريبة ديال السميدة // كيلو من السميدة الرقيقة ، 2 بيضات ، معلقة كبيرة ديال قشرة الحامض محكوكة ، نصف كأس من الزبدة و الزيت ، 400 غرام سنيدة ، نصف كأس حليب ، شوية من ماء الزهر و سكر كلاصي .

نخلطو البيض مع سنيدة و الزبدة و الزيت و نضيفو باقي المكونات ، ندهنو يدينا بالزهر و نكوروها و نوضعوهم في طبسيل كيدخل للفرن فيه "papier sulfirisé" ثم نشعلو عليها الفرن حتى يتفركع الوجه ثم نطلعو اللاطة للفوق باش يطيب الأسفل و نقدموها بالصحة و الراحة.

حديث و مغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا.

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: