كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الجمعة 9 ديسمبر 2016

حديث ومغزل مع سناء الزعيم

حديث ومغزل مع سناء الزعيم - شهيوات فطور عيد المولد النبوي

Imprimer
شهيوات فطور عيد المولد النبوي

اليوم في حديث ومغزل مع سناء الزعيم خصصنا الحصة الأولى للبرنامج لشهيوات الفطور اللي كتحضر كل امرأة صباح عيد المولد النبوي و هذه البعض منها :

*بهية من فاس : العصيدة // نغليو 1 لتر من الماء ثم نضيفو ليه نصف كيلو من السميدة الرقيقة مع التحراك فوق عافية مهيلة وفي حالة ما اذا قصاحت ممكن اضافة الماء الساخن و دائما مع التحراك ، ثم نسكبوها في طبسيل و نزيدو عليها العسل و هي سخونة .

وممكن فاش تبرد ندخلوها للثلاجة حتى تجمع ثم نقطعوها على شكل أطراف مربعة أو مستطيلة ثم ندردرو عليها القرفة و السكر و نقدموها بالصحة و الراحة.

*  نوال من مراكش : هربل أو القمح المهرس // يغسل مزيان و يبات في طنجرة و يطيب فوق المجمر مع شوية الزيت و الملح و الماء و فاش كيطيب كنضيفو ليه  الحليب و نخلطوه مزيان ، و نقدموه وهو ساخن في طبسيل كبير و نضيفو ليه طريفات الزبدة و خيوط العسل .

*كوثر من الدار البيضاء : المخمار // نصف كيلو من الفرص ، نصف كيلو من القمح الممتاز ، معلقة من الزيت الرومية ، معلقة من الخميرة و معلقة من الملح ، نعجنو بالماء الدافئ و نخليو العجينة ترتاح لمدة ساعة الا ربع ثم نكرصوه و نخليوه يرتاح مدة 10 دقائق ثم ندلكوه و نطيبوه في مقلا ثقيلة و يقدم مع الزبدة و العسل بالصحة و الراحة.

* ياسمين من بركان : شهيوات من الجهة الشرقية //

* بركوكش ( المحمصة)  مثل الحريرة : 3 طماطم ، بصلة ، كرافس ، معدنوس ، يطحن الكل ثم نضيفو الابزار ، الخرقوم ، سكينجبير ، الملح ، سمن ، تحميرة و الحمص و الكديد أو طريفات من اللحم ، ثم نضيفو الفول يابس يكون مرطب من قبل في الماء و مطيشة الحك مع التحراك ،  و نشدو عليهم وفاش نفتحو نضيفو الكبابة أي النويويرة ثم كمية ديال المحمصة تقطر مزيان من بعد ما نغسلوها و نطيبوهم بالمهل و هنا المحمصة كتعوض الطحين اللي كنديروه في الحريرة ، وقبل ما نطفيو عليها كنضيفو القزبر طري مقطع مدة  5 دقائق فوق العافية مهيلة و نقدموه بالصحة و الراحة.

* تاقنتا وهي شهيوة كتشبه سلو : نصف لتر من الزيت الرومية في الكوكوط تسخن و نضيفو ليها الفرص مع التحراك حتى يتحمر الطحين ثم نزولوها من فوق العافية و نضيفو ليها حبوب الزنجلان محمر و 1 فانيلا و سكر كلاصي و اللوز أو الكاوكاو مهرمش مع التحرك دائما و لكن بعيدا عن النار حتى تبرد و نقدموه بالصحة و الراحة .

حديث ومغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا.

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: