كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
السبت 3 ديسمبر 2016

حديث ومغزل مع سناء الزعيم

حديث ومغزل مع سناء الزعيم - شهيوات الورقة وطرق تحضيرها

Imprimer
شهيوات الورقة وطرق تحضيرها

اليوم في حديث ومغزل مع سناء الزعيم قدمو لينا المستمعات الكريمات مجموعة من الشهيوات اللي ممكن نحضروها بالورقة و كذلك كيفاش نصاوبو الورقة بالمنزل و هذه هي شهيوات هاد الحصة :

* أمال من الدار البيضاء: المحنشة معسلة // نصف كيلو من اللوز مسلوق و منقي و مهرمش ، نصف معلقة من المسكة الحرة ، القرفة و ماء الزهر أو فانيلا .

نسرحو الورقة و نبداو نلويو و نخدموها بشوية البيض ثم ندهنو بأبيض البيض و ندخلوها للفرن ثم فاش نخرجوها نسقيوها بالعسل .

* رشيدة من أكلموس : طريقة تحضير الورقة // نصف كيلو طحين مع شوية الملح و نضيفو ليهم ماء دافئ و نخلطو في الخلاط الكهربائي مزيان و خاص الخليط يكون ثقيل .

نسخنو المقلاة وناخذو شيتة وندهنو المقلا بالخليط .

* رشيدة من مكناس : طريقة تحضير الورقة // نصف كيلو من الطحين و نطربوه مع الماء و الملح في الخلاط الكهربائي ، وفي مقلا غارقة فيها الماء و نديرو فيها مقلا اللي غادي نطيبو فيها الورقة .

* أم سكينة من وجدة : بسطيلة بالخضر و الدجاج // المكور مغسول ومفور ، و دجاج مقطع أطراف و الشعرية الصينية مسلوقة ، بصلة مشلظة ، ملح ، الدجاج ، ابزار ، الخرقوم ، ضامة البنة ، معدنوس ، 4 البيضات مسلوقين و محكوكين ، 4 الفرماجات مربعات ، الفطر، معلقة الهريسة و شوية الفرماج محكوك .

نرقدو الدجاج مع العطرية و نشحروه مع البصلة مشلظة ثم نعمرو الورقة بالحشوة ديال الدجاج و الشعرية الصينية و نرشو بالبيض و بالفرماج الأحمر و نطيبوها في الفرن .

* عيشة من فاس : بريوات بالقمرون // 2مطيشات مقشرات و مقطعة طريفات صغار نحمروها في الزيت ثم نضيفو ليها الثومة محكوكة ، رابعة من القمرون مسلوق و شوية الملح ، ابزار و نخليوهم يشربو البنة  مدة 10 دقائق ثم نعمرو البريوات و نقليوهم أو ندخلوهم للفرن.

* عيشة من وجدة : صبيعات الروز // زلافة من الروز ، في كاسرونة نغطيو الروز بالماء حتى يرطاب لينا ثم نضيفو الحليب و نخليوهم حتى ينشف ثم نضيفو السكر و الزبدة و ماء الزهر حتى يبرد و نخلطوه بشوية اللوز مسلوق و مهرمش و نضيفو ليه شوية القرفة ، وفاش يبرد الخليط نبداو نعمرو الورقة و نجمعوها على شكل صبيعات و نسخنو الزيت مزيان قبل القلي حتى مايشربوش الزيت ثم ندردرو من الفوق السكر كلاصي و القرفة.

حديث ومغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا.


 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: