كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
السبت 3 ديسمبر 2016

حديث ومغزل مع سناء الزعيم

حديث ومغزل مع سناء الزعيم - شهيوات الرايب و الزبدة البلدية و الياغورت واللبن

Imprimer
شهيوات الرايب و الزبدة البلدية و الياغورت واللبن

اليوم في حديث ومغزل مع سناء الزعيم قدمو لينا المستمعات مجموعة من الشهيوات مختلفة لتحضير اللبن و الزبدة البلدية و كذلك الياغورت ... و هذه البعض منها :

* مريم من ورزازات : الرايب // الحليب خاسر كنضيفو ليه الزعتر أو الزعيترة ثم نخليوه يروب .

- فرماج للدهن : 2 كيسان من الحليب غبرة ، 2كيسان من الحليب سائل معقم ، ملح ، 1فرماجة مربعة أو مثلثة و خمارة واحدة .

كنجمعو الكل و كنديروهم في الثلاجة مدة 5ساعات و ها الفرماج جاجز للدهن ويمكن الحفاظ به بالثلاجة لمدة أسبوع في الثلاجة.

* غزلان من البيضاء : الياغورت بنكهة الفانيلا // 1 لتر من الحليب العادي ، 1ياغورت فاني ، سنيدة حسب الذوق ، نأخذ نصف لتر من الحليب و نضيفو ليه  السنيدة و نسخنوه فوق العافية ومانخليوهش حتى يغلي ، ونصف لتر الثاني نزيدو عليه الياغورت و نخلطوه مع الخليط الأول و نسكبوهم في كؤوس قابلة لذلك اللي ماتكسرش مع السخونية و نديروهم في كوكوط فيها ماء ساخن و نشدو عليهم بالسفارة و نخليوهم يباتو في الكوكوط و في الغذ نوضعوهم في الثلاجة .

* سمية من البيضاء : الزبدة البلدية // رابعة من الزبدة الرومية ، 1لتر من اللبن ، ملح ، نجمعو الكل و نبداو ندلكو و نخلطو مزيان باليد و نكبو في اناء زجاجي و نغطيو بالسولوفان و نخليوها .

* سلمى من فرنسا : الرايب على شكل ياغورت // 1لتر من الحليب ، 125 غرام من الحليب غبرة ، 2ياغورت بنكهة الفاني ، 2 طوبات من السكر و خنيشة من فاني ، نخلطو الكل مزيان و نوضعوه فوق عافية مهيلة و نضيفو الياغورت و خنيشة الفانيلا و نحركو مزيان ثم نطفيو النار قبل ما يغلي الحليب ، و نسكبوه في كؤوس زجاجية و نغطيوها بالسولوفان و نوضعوه في بانيو مليء بالماء الساخن ثم نغطيوه ببطانية و نخليوه يبات و في الغد يكون جاهز.

* حسناء من العيون : ياغورت // 1 لتر من الحليب ، خنيشة من الفاني ، 1 كأس العنبة ديال سنيدة ، 3 معالق من الكاكاو غبرة و 1 ياغورت من الفانيلا .

نصف لتر الأول نغليوه و نصف لتر الثاني كنجموه مع الياغورت و سنيدة ثم نضيفو الأول في الثاني ثم نضيفو ليهم غبرة الشكلاط و نخلطو مزيان ثم نكبوه في كؤوس و نوضعوه في كوكوط و نثقلوه ببطانية و نخليوه يبات و في الغذ يكون جاهز .

* نجاة من بني ملال : ياغورت بأطراف الموز // نصف لتر حليب ، ياغورت بنكهة البنان ، وفوق عافية نغليو الحليب و نضيفو ليه سنيدة حسب الذوق ثم نطفيو النار ونزيدو طريفات الموز و نسكبه في كؤوس و يغلق عليه في كوكوط مليئة بالماء الساخن و بلا سفارة و يبات ليلة و هاهو جاهز .

حديث ومغزل مع سناء الزعيم برنامج كل امرأة مغربية من الاثنين الى الخميس ابتداء من 10 صباحا.

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: