كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الأربعاء 7 ديسمبر 2016

حديث ومغزل مع سناء الزعيم

حديث ومغزل مع سناء الزعيم - القطايف بالقشدة من عند الشاف بشرى

Imprimer
القطايف بالقشدة من عند الشاف بشرى

* المرحلة الأولى : 1 لتر حليب ، 60 ملل خل : نعملو الحليب فوق نار مهيلة ونخليوه يسخن ماشي يغلي و نحيدوه فوق العافية ثم نضيفو الخل ونحركو حتى يتكاتل الحجم و يتعزل لينا بحال الرايب .

* المرحلة الثانية : 375 غ من الحليب ، 125 غ من الكريمة السائلة ، 60 غ نشا ، السكر ، 2 مع من ماء لزهر و فاني .

نعملو الحليب و النشا و فاني فوق نار مهيلة مع التحراك ثم نضيفو المحليب اللي راب لينا ديال الخليط الأول و ماء الزهر و نخلطو كلشي حتى يتقال ومن الأفضل نطحنوه حتى يولي رطب و ندخلوه للثلاجة مدة 5 ساعات .

* عجين القطايف : 

130 غ من الدقيق ، 180 غ من الفينو ، 2 مع ك من السكر ، نصف كمع ص من خميرة الفورية  أو مع ص من الخميرة العادية ، مع ص من الملح ، مع ك من بدرة الحليب ، مع ص من خميرة الحلوى و شوية من المسكة الحرة و 600 مل من الماء الدافئ .

نجمعو كل المكونات حتى يولي عندنا خليط بحال البغرير و ننغطيوه و نخليوه يخمر مدة ساعة ثم نطيبوهم عادي فقط يكونو صغار وعلى نار مهيلة باش مايتحمروش من الأسفل بزاف .

ناخذو الكريمة اللي حضرنا ونعاودو نطربوها ثم نضيفو ليها كمية من البيسطاش المهرمش و نوضعو مع  من الكريمة وسط القطايف ونسدوها على شكل كورني ونعمر الفتحات بالكريمة ونرشو البيسطاش مهرمش من فوق .

وممكن نقليوهم الا شكلناهم على شكل شوصون في حمام زي سخون و نطفيوهم في العسل الخفيف أو السيرو و نزينو بالبيسطاش المهرمش من فوق .

* السيرو : كأس كبير من السكر ، نصف كأس ماء ومع من عصير الحامض ، مع من ماء الزهر ، نجمعو الكل فوق نار مهيلة حتى يغلي شوية و نكبوه فوق القطايف .

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: