كل أخبار ووصفات الطبخ المغربية والعالمية مباشرة و في الحين في موقع أصوات. اسمعوا أصوات مباشرة عبر الانترنت.
الإثنين 16 أكتوبر 2017

حديث ومغزل

حديث ومغزل - فخاذ الدجاج بصلصة "sauce demi glacee" من عند الشاف سناء بنسلطانة

Imprimer
فخاذ الدجاج بصلصة


* المكونات : 8 من فخاذ الدجاج ، 22 ضروس ثوم ، ضامة البنة بنة الزعفران ، مع ك من عطرية الدجاج ، بصلة محكوكة ، المعدنوس ، الزيت و 2بصلات مشنفين .
* مع ك من "sauce demi glace" و2 مع ك من الماء .
* الطريقة : نرقدو الدجاج في العطرية ماعدا الزيت ليلة كاملة .
 في لاطة الفرن نفرشو فيها ورق الطهي ثم البصل مشنفة ثم نضيفو فخاذ الدجاج وندخلوها للفرن تقريبا نصف ساعة من تحت ثم فوق.
نحضرو الصلصة : في حالة توفر "sauce demi glacee" كنضيفو ليها 2 مع من الماء فوق نار مهيلة حتى تعقاد .
في حالة عدم توفرها كنعوضوها ب : مع ك من المايزينا ، 2 مع ماء ،  2 مع صلصة الصوجا ، الملح و الابزار حسب الذوق و نوضعو الكل فوق نار مهيلة مع التحراك حتى تثقال .
 ندهنو الفخاذ ديال الدجاج بهاد الصلصة و نرجعوهم للفرن يتشرب و نقدموهم بالصحة و الراحة.
 * لمرافقة الطبق : نصف كلغ من كبد الجاج مشوية فوق البوطة و مقطعة طريفات كبار ، 1 كلغ زيتون أحمر نكبو عليه الماء سخون و نصفيوه و نرجعو نكبو عليه الماء سخون ونصفيوه .
في مقلاة نوضعو 2 ضروس ثوم محكوكين مع 22مع زيت و الملح و الابزار ومع ص من التحميرة ، ورقة سيدنا موسى ، مع ص كامون وحامضة مصيرة مقطعة رقيق ثم الزيتون و طراف الكبدة و تشحري الكل و نوضعوهم في طبق لمرافقة فخاذ الدجاج بالصحة و الراحة .

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: