كل أخبار وبرامج الصحة مباشرة و في الحين في موقع أصوات. اسمعوا أصوات مباشرة عبر الانترنت.
الأربعاء 7 ديسمبر 2016

ألو طبيب

ألو طبيب - الفراش الصحي

Imprimer
الفراش الصحي

اليوم في ألو طبيب كانت معانا الدكتورة حسناء عزمي أخصائية في أمراض العظام و المفاصل و اليوم تكلمنا على الفراش ديال النوم و المواصفات الصحية ليه حتى ما يأثرش على العظام والمفاصل ديال الشخص ، فثلث الوقت من عمر الانسان كيمر في النوم وبالتالي من الضروري اختيار السرير  بشكل صحي وجيد، وهناك مجموعة من الأفرشة بأشكال و أنواع مختلفة ولكن المهم هو خاص الفراش ما يكونش قاصح بزاف أو رطب بزاف أي بين الاثنين ، كذلك من الضروري تغيير الفكرة الخاطئة بالنسبة للناس اللي كيعانيو من مشكل بالظهر ينعسو على فراش قاصح بل بالعكس تماما بحيث بينات الدراسات أن هذه المسألة غير سليمة و يكفي النوم على فراش متوازن و جيد.

* دوافع لتغيير فراش النوم:

- من الضروري تغيير الفراش كل 10 حتى 12 سنة .

- عند ملاحظة أن الفراش كينزل أثناء الجلوس أو النوم فوقه أو كيخلي بقعة فاش كنوقفو منه فمن الضروري تغييره.

- من الضروري تغيير الفراش فاش كيولي فيه التقرقيب ، وفاش كيفيق الشخص في الصباح و كيحس بألم في عظامه .

أكدات الدكتورة عزمي على ضرورة عدم وضع فراش النوم فوق الأرض مباشرة لأنه من الضروري ترك المطربة تتهوى ثم أنها في هذه الوضعية كتجمع الغبرة و كيولي فيها  الميكروبات في الداخل .

الوسادة أو المخذة : بالنسبة للوسادة فيجب اختيارها حسب شكل الشخص في حالة ما اذا كان الشخص أكتافه عراض فخاص تكون المخذة عريضة من 12 حتى 13 سنتمتر من العلو، أما اذا كان الشخص أكتافه حجمهم صغير فخاص العرض يكون من 8 حتى 9 سنتمتر .

بالنسبة للأشخاص اللي كينعسو على الجنب فخاص المخذة العلو ديالها مايفوتش 9 سنتمتر.

و الأشخاص اللي كينعسو على كرشهم ولو أنها وضعية غير صحية للعمود الفقري فخاص المخذة يكون علوها صغير بين 5 و 6 سنتمتر.

* ليس من الضروري تكون المخذة رطبة أو قاصحة المهم هي راحة الشخص أثناء النوم عليها.

* أفضل شكل للوسادة هي المخذة الطويلة وممكن للوسادة استعمالها مدة 3 أو 5 أو 10 سنوات حسب المواد اللي مصنوعة منها الوسادة.

ألو طبيب البرنامج الطبي بامتياز  رفقة هاجر بنشرفي و أخصائيينا كل يوم من الاثنين الى الجمعة ابتداء من 9 صباحا مباشرة على أصوات. 

 

خدمات اصوات
» حالة الطقس
الأحوال الجوية: المغرب
حفظ المدينة
» أوقات الصلاة
عرض أوقات الصلاة: