طريقة التحضير
* المكونات :
عدد الكوكلي حسب الأشخاص و نتبله : الثوم ، الربيع مكرض ، سكينجبير ، السمن ، العطرية الخاصة بالدجاج ، الملح ، ضامة الزعفران أو الوعفران شعرة .
نرقد الكوكلي بالمكونات ليلة كاملة ثم نضيف كأس مخلط زيت بلدية و رومية.
* حشوة الكوكلي :
نأخذ القمح المطهي نصف طيبة "ايبلي" يصلق 12 دقيقة ، نضيف له الفواكه الجافة : المشماش معسل ، الشريحة ، الزبيب و اللوز مقلي و مهرمش و الكركاع ، كما يمكن اضافة البوعويد المعسل و مقطع طريفات ، نحشو الكوكلي بالحشوة و نخيطه و نضعه في طنجرة .
* في طنجرة نحك البصل حوالي 1 كلغ بصل بالنسبة ل 4 كوكليات ، و نشحر الكل ثم نضيف كأس و نصف ماء و نضعه فوق النار مدة 15 دقيقة مع تقليبه مرة مرة.
نزيل الكوكلي فاش يطيب و نضيف البصل مشلظ من أجل الدغميرة مع 2 معالق سنيدة و القرفة مع التحريك حتى الحصول على بصلة مذهبة .
- نأخذ 1 كلغ بوعويد مع 2 أعواد قرفة و كأس و نصف ماء و 3 معالق سنيدة أو عسل ، ماء الزهر و نتركه يتعسل قليلا و يبقى شاد في راسو.
الصلصة المرافقة للكوكلي :
2 معالق صوص صوجا ، 2 معالق عسل أو سكر كلاصي ، 2 كعالق زبدة و معلقة موطارد و نحرك الكل جيدا مع اضافة القليل جدا من الهريسة.
ندهن الكوكلي بالصلصة اللي حضرنا و يدخل للفرن يتحمر .
* التقديم :
نحضر بسيطلات صغار أو سيكار بنفس الحشوة ديال الكوكلي .
في طبق التقديم نضع الكوكلي و نزين بالبوعويد معسل و مرشوش باللوز ايفيلي ثم نضيف النوكا .
كوكلي بسفة الروز والفواكه الجافة و النوكا .
نفس المكونات ماعدا حشوة الكوكلي تكون بسفة الروز مع الفواكه الجافة و النوكا ديال الزنجلان و نوكا اللوزو الأناناس طريفات .
يقدم الطبق بنفس الطريقة و التزيين حسب الرغبة .
يقدم بالصحة و الراحة.
